Les mots surlignés font l'objet d'une note
1Monseigneur, je croy vous aurés receu la lettre que je
2vous escriptz de ceste ville lors que monsieur le cardinal
3Allexandrin y estoit et ne reste à vous dire
4aultre chose, sil nest quil sest grandement contenté
5des honneurs quil a receu par ce pays jusques
6en Provence ou encores à Sisterun feirent bien leur
7debvoir. Monsieur d’Ambrun la acompaigné jusques
8à Beaucayre comme jey aussi faict, cognoissant
9quil y avoit plaisir, encores que monsieur de
10Sainct Goart feust venu le rencontrer à Ambrun
11avec commission expresse du roy pour le fère
12honorer et recepvoir partout. Mais je
13vous puys asseurer quil ne sera poinct
14plus satisfaict ailleurs ne tant que en votre
15gouvernement comme je croy monsieur d’Apt
16vous aura adverti ainsi que ledit seigneur cardinal
17d’Italie et de larmée des Venitiens de la
19deffaicte et mort du conte Martinengot, le
20gentilhomme, present porteur, monsieur de La Fontaine Milon
21qui vient de Lucques et de Gênes, vous en dira
22amplement, mayant promit de passer vers vous,
23mesmes vous fera entendre lembarquement
24de monsieur de Laval avec les jeunes Gallon
25et d’Aubres et autres gentilshommes françoys
26pour sen aller joindre avec le seigneur don Joan d’Austrie
27[v°] que sera cause que ne ferey la presente plus longue,
28sil nest pour vous supplier humblement quil vous
29plaist avoir souvenance descripre à la court pour
30le payement de nous mortes payes, car nous ne
31scavons plus où donner de la teste, nous estant
32deubz entierement vingt cinq moys, sperant
33en brief vous mander toutes autres nouvelles,
34et prierey surce le Createur
35monseigneur, vous donner en bonne santé
36très longue et très heureuse vie. De Brianson
37ce XXVIIIe aoust 1571
38votre plus humble et
39plus obeyssant serviteur la casette